«Kanelonyń» promoýteri Golovkınmen úshinshi aıqastyń nelikten qajet ekendigin túsindirdi
NUR-SULTAN. QazAqparat - Golden Boy promoýterlik kompanııasynyń prezıdenti Erık Gomes orta salmaqtaǵy WBC/WBA (Super)/IBF tujyrymdary boıynsha orta salmaqtaǵy álem chempıony Saýl «Kanelo» Alvares pen Gennadıı Golovkınniń úshinshi aıqasynyń bolatynyna senimdi. Bul týraly QazAqparat Sports.kz saıtyna silteme jasap habarlady.
«Orta salmaq - Saýl úshin óte jaqsy salmaq dep oılaımyn. Golovkınge keler bolsaq, bul aıqas ótýi tıis. Olardyń alǵashqy eki jekpe-jegi keremet boldy. «Kanelonyń» onymen qaıta aıqasýyna eshqandaı kedergi joq. Ekeýiniń de úshinshi aıqasty ótkizýge degen nıeti bar. Golovkın - tarıhty oılaıtyn boksshy. Ol «Kanelomen» taǵy bir aıqas ótkizbeı otstavkaǵa ketpeıdi.
Bul Golovkındi uly chempıon ataǵyna jetkizdi - ol úzdiktermen judyryqtasqysy keledi. Ony demalysqa jibermeı ustap turǵan ishindegi oty», - degen Gomestiń sózin keltiredi Sky Sports.
