«Kanelonyń» promoýteri Golovkınmen úshinshi aıqas ótkizýge qatysty ustanymyn aıtty

ASTANA. QazAqparat - Saýl Alvarestiń promoýteri Oskar De La Hoııa «Kanelonyń» brıtandyq Rokkı Fıldıngpen aıqasynan keıingi baspasóz máslıxatynda meksıkalyq boksshynyń qazaqstandyq Gennadıı Golovkınmen kelesi jyldyń mamyryndaǵy ótýi múmkin aıqasy týraly suraqqa jaýap berdi, dep xabarlaıdy Sports.kz.

«Biz muny "Kanelo" jáne DAZN komandasymen birge sheshpekshimiz, tek ony merekeden keıin jasaımyz. Golovkınmen eki jekpe-jekti kim ótkizgenin umytpaý kerek. Alaıda, 168 fýnttaǵy aıqas basqa múmkindikterge jol ashty  "Kanelo" kez kelgen dıvızıonda aıqasa alady. Ol búgingi keshte óte jaqsy oıyn órnegin kórsetti", - degen De La Hoııanyń sózin keltiredi Ringtv.com saıty.

Eske salaıyq, búgin Alvares Fıldıngti jeńip, onyń sýper orta salmaqtaǵy WBA chempıondyq tıtýlyn ıemdendi. Aıqastan keıin meksıkalyq Golovkınmen úshinshi kezdesýge qarsy emestigin máli etti.