«Kanelonyń» promoýteri Golovkınmen revanshqa qatysty málimdeme jasady
ASTANA. QazAqparat - Qyrkúıekte ótetin Saýl «Kanelo» Alvares pen Gennadıı Golovkınniń jekpe-jegine qatysty kelissózderge oń kózqaras tanytyp júrgen Oskar de la Hoııa aıaq astynan múlde qarsy málimdeme jasady, dep habarlaıdy Spotrs.kz.
Onyń aıtýynsha, GGG tarapy mámileniń qarjylyq jaǵyna qatysty talaptarynan bas tartqysy kelmeıdi, sondyqtan Golden Boy Promotions Denıel Djeıkobstyń promoýteri Eddı Hırnmen kelissózdi bastap ketken.
«Golovkın aıtqanynan qaıtpaı otyr jáne gonorardy 50/50 qylyp bólgisi keledi, sol sebepti kezdesý bolmaıdy. Denıel Djeıkobstyń ústelinde 15 qyrkúıekke josparlanǵan jekpe-jektiń kelisimsharty jatyr. Eddı Hırnge bul oı unaıdy. Biz de qarsy emespiz. Sondyqtan ary qaraı jyljyp, «Kanelonyń» 15 qyrkúıekte myqty qarsylaspen kezdesýine jaǵdaı jasaımyz. Biz úshin sońǵy merzim - aıdyń ortasy, sebebi ornymyzdan qozǵalý kerek. Demeýshilerimiz daıyn, biz tek jankúıerlerge myqty jekpe-jek usynǵymyz keledi. Ókinishke oraı, Golovkın talabynan bas tartpady, al biz ary qaraı ilgerileı bermekpiz», - dedi De la Hoııa ESPN.com-ǵa bergen suhbatynda.
Sonymen qatar, promoýter óz talaptarynan bas tartpaıtynyn aıtyp ketti.
