«Kanelonyń» promoýteri Golovkınmen qarymta jekpe-jektiń boljaldy merzimin atady
ASTANA. QazAqparat - Golden Boy Promotions prezıdenti Erık Gomes qazaqstandyq boksshy Gennadıı Golovkın men meksıkalyq Saýl Alvares arasyndaǵy qarymta jekpe-jektiń kelissózderi jaıly aıtyp berdi, dep habarlaıdy Sports.kz.
«Biz ekinshi jekpe-jek jaıly Golovkın komandasy jáne onyń promoýteri Tom Lefflermen kelissózderdi bastap kettik. Jekpe-jek mamyr aıynda ótýi múmkin, bul AQSh-ta aıqas ótkizýge eń qolaıly ýaqyt. Alaıda, «Kanelo» men GGG kezdesýin naýryz aıynda ótkizý týraly da nusqalar aıtyldy. Biz bárin ábden talqylap, naqty sheshimge kelemiz», - dep keltirdi Gomestiń sózin Boxingscene.com.
