«Kanelonyń» promoýteri Golovkınmen ekinshi aıqas ótetin kúndi aıtty

ASTANA. QazAqparat - Saýl Alvarestiń (49-1-2, 34 KO) promoýteri Oskar de la Hoııa áıgili boksshy Shýgar Reı Leonardpen áńgime barysynda Gennadıı Golovkınmen (38-0-1, 34 KO) ekinshi kezdesý ótetin kúndi aıtty, dep habarlaıdy Sports.kz.

Villainfy Media jýrnalısiniń aıtýynsha, De la Hoııa: «Jekpe-jek qyrkúıekte ótedi. Biz kelissózderdi aıaqtaǵaly jatyrmyz», - degen.

Eske sala keteıik, Golovkın men «Kanelonyń» alǵashqy jekpe-jegi 2017 jylǵy 17 qyrkúıekte Las-Vegas qalasynda ótip, teń nátıjemen aıaqtalǵan bolatyn. Sol kezde tóreshilerdiń bul sheshimine kóptegen boks jankúıerleri men mamandary narazylyq tanytqan edi.