«Kanelonyń» promoýteri Golovkındi kemsitti

ASTANA. QazAqparat - Meksıkalyq boksshy Saýl Alvarestiń promoýteri Oskar de la Hoııa shákirtiniń 15 qyrkúıektegi jekpe-jekte Golovkınnen aıqyn basym bolatynyn aıtty, dep habarlaıdy Sports.kz.

«Boksta únemi óz ónerińdi jetildirýge bolady, onyń ajary da sol. «Kanelo» alǵashqy jekpe-jekti tamasha ótkizdi, eki ese artyq upaımen jeńdi dep oılaımyn. Rematchtar nesimen qyzyq? Onda óz mánerińdi ózgertip, qarsylastyń ádisterine jaqsyraq beıimdelýge bolady. «Kanelo» únemi birkelki basa-kóktep judyryqtasatyn Golovkınge qaraǵanda, jekpe-jekke jaqsyraq beıimdele alady, ol sonysymen myqty», - dedi De la Hoııa jýrnalıstermen suhbatta.