«Kanelonyń» Golovkınmen úshinshi ret kezdesýden basqa amaly qalmady

NUR-SULTAN. QazAqparat – Belgili promoýter Eddı Hırn qolastyndaǵy boksshy Kallým Smıt jaqyn arada Saýl Alvarespen kezdespeıtinin aıtty. Bul týraly Vringe.com portalyna silteme jasap Sports.kz habarlady.

«Hırn Smıtke «Kanelomen» aıqaspas buryn taǵy eki jekpe-jek uıymdastyrmaq. Buǵan deıin Lıverpýl týmasy Smıt Sýperserııada jeńiske jetkennen keıin «Enfıld» stadıonynda tıtýlyn qorǵaýǵa nıet bildirgen bolatyn. Ol úshin mansabyn aıaqtaǵan amerıkalyq Andro Ýord pen qazaqstandyq Gennadıı Golovkındi jekpe-jekke shaqyrmaq bolǵan», - dep jazady portal.

«Kanelo» óz kezeginde, Golovkınmen úshinshi ret aıqasýdan góri, iri jekpe-jek ótkizý úshin basqa salmaq sanatyna aýysýdyń amalyn qarastyrǵan. Biraq Sergeı Kovalev onyń usynysyna kónbeı qoıdy, al Hırn Smıt Sonderspen kezdesetinin málimdedi. Endi meksıkalyq boksshynyń qyrkúıektegi jekpe-jegine Golovkınnen basqa boksshy tabylmaıyn dep tur.