«Kanelonyń» Golovkınmen úshinshi aıqasy aldyndaǵy qarsylasy belgili boldy
NUR-SULTAN. QazAqparat - WBA Super nusqasy boıynsha orta salmaqtaǵy álem chempıony Saýl «Kanelo» Alvares (53-1-2, 36 KO) 12 qyrkúıekte rıngke oralmaq nıette, dep habarlaıdy sports.kz.
ESPN Deportes aqparatyna qaraǵanda, meksıkalyqtyń komandasy ózderine eki qarsylasty belgilep otyr. Olardyń alǵashqysy— ýkraındyq Sergeı Derevıanchenko (13-2, 10 KO), al ekinshisi - WBA Super nusqasy boıynsha sýper orta salmaqtaǵy álem chempıony Kallým Smıt (27-0, 19 KO).
Taıaýda Derevıanchenkonyń bapkeri Andre Roze, oǵan kimmen aıqassa da, meıli Alvares nemese Djermall Charlo bári bir (33-1, 17 KO), dep málimdegen edi.
Derevıanchenko da 12 qyrkúıektegi kezdesýge daıyndyqty bastap ketti.
Aıta ketsek, 2021 jyly «Kanelonyń» qazaqstandyq Gennadıı Golovkınmen úshinshi aıqasy kútilip otyr.
