«Kanelonyń» burynǵy qarsylasy Golovkınmen jekpe-jek ótkizýge kelisti

ASTANA. QazAqparat – Ekinshi orta salmaqtaǵy «absolıýtti» chempıon Saýl «Kanelo» Alvarespen jekpe-jek ótkizip, jeńilip qalǵan brıtandyq Djon Raıder alda úlken kezdesýler ótkizýde qalaıtynyn málimdedi, dep habarlaıdy QazAqparat Sports.kz portalyna silteme jasap.

Mamyr aıynyń basynda D.Raıder Gvadalaharadaǵy boks keshinde tóreshilerdiń biraýyzdan qabyldaǵan sheshimmen Alvaresten jeńilip qaldy. Osydan keıin promoýter Eddı Hırn málim etkendeı, Djon Raıder úshin kelesi jekpe-jekke jaqsy nusqa qazaqstandyq Gennadıı Golovkın bolar edi. Raıder bul ıdeıany jaqsy qabyldady.

«Eddı jekpe-jekten keıin Golovkındi eske aldy, biraq ekinshi orta salmaqta basqa da úlken jekpe-jekter bar. Árıne, men Golovkınniń jankúıerimin. Ol – naǵyz jaýynger. Bul meksıkalyq stıldegi jekpe-jek bolar edi. Ne bolatynyn kim biledi? Sondaı-aq Davıd Benavıdes, Kaleb Plant bar. Joǵary deńgeıdi saqtap qalǵym keledi, alty jáne segiz raýndtyq jekpe-jekterge qaıta oralǵym kelmeıdi. Men jáne meniń komandam otyryp, bárin talqylaımyz. Olar Golovkın, Plant, Benavıdes esimderin atady. Biz ne isteýge bolatynyn kóremiz», - dedi «Gorılla» IFL TV-ge bergen suhbatynda.