«Kanelonyń» bapkeri Golovkınmen úshinshi jekpe-jek týraly mańyzdy málimdeme jasady

NUR-SULTAN. QazAqparat – Meksıkalyq boksshy Saýl Alvarestiń (53-1-2, 36 KO) jetekshisi Eddı Reınoso qaramaǵyndaǵy boksshynyń «Sınko de maıo»-da kimmen kezdesýdi josparlaǵanyn aıtyp berdi, dep habarlaıdy QazAqparat Sports.kz-ke silteme jasap.

«Kanelo» mamyrda rıngke oralady jáne 168 fýnttaǵy myqty chempıonmen aıqasady. Biz Golden Boy jáne DAZN-men kezdesip, Saýldiń kelesi qarsylasy kim bolatynyn anyqtaımyz. Olarda kelisimshart bar, oǵan qurmetpen qaraý kerek. Barlyq taraptyń kóńilinen kimniń shyǵatynyn kóremiz. Golovkınge keler bolsaq, biz onymen úshinshi jekpe-jek ótkizýge daıynbyz, biraq mamyrda emes, múmkin qyrkúıekte bolyp qalar», - dep málimdedi Reınoso.

«Kanelonyń» mamyrdaǵy qarsylasy sýper orta salmaqtaǵy brıtanııalyq chempıondar - Bıllı Djo Sonders (29-0, 14 KO) nemese Kallým Smıt (27-0, 19 KO) bolýy múmkin.