«Kanelonyń» bapkeri Golovkınmen bolatyn úshinshi aıqas týraly málimdedi

NUR-SULTAN. QazAqparat – Sýperorta salmaqtaǵy absolıýt chempıon Saýl «Kanelo» Alvarestiń (57-1-2, 39 KO) bapkeri Eddı Reınoso qolastyndaǵy boksshyny nelikten Davıd Benavıdespen 25-0, 22 KO) bir alańda kórmeıtinin túsindirdi. Sonymen qatar Gennadıı Golovkınmen 41-1-1, 36 KO) ótetin úshinshi aıqastyń maqsaty týraly aıtty, dep habarlaıdy QazAqparat Sports.kz saıtyna silteme jasap.

Koýchtyń aıtýynsha, Benavıdestiń aıtarlyqtaı jetistikteri joq.

«Ol eshqandaı rekord jasamady, boksshy jeńgen Entonı Dırrell de óz salmaǵynda erekshelenbegen. Kóbi Benavıdesti asyra baǵalanǵan dep sanaıdy. Ol da álem chempıony boldy, alaıda tártiptiń joqtyǵynan tıtýlyn joǵaltqan bolatyn – bir ret dopıng úshin, ekinshi ret salmaǵy úshin. Onyń ataǵyna kir keldi. Boksshy qarsylastaryn nokaýtqa jiberip, soqqylardy jaýdyrady, sol sebepti Saýl úshin óte aýyr qarsylas bolar edi. Bizge onymen ne úshin aıqasý kerek? Onyń aıtarlyqtaı jetistikteri joq, álsiz qarsylastarmen ǵana alańǵa shyǵady», - dedi ol.

Reınoso Alvareske 76,2 kg salmaqta qyzyq bolatyn eki qarsylastyń atyn atady.

«Bizge myqtylarmen jekpe-jekke shyǵýǵa tyrysý kerek. Bizdiń Djermall Charlo jáne Gennadıı Golovkınmen alańǵa shyqqymyz keledi», - dedi koých.

Ol úshin GGG sýperorta salmaqqa aýysýy kerek.