«Kanelonyń» bapkeri Golovkınmen aıqastan ne kútetinin aıtty
ASTANA. QazAqparat - Saýl Alvarestiń (49-1-2, 34 KO) bapkeri Hose «Chepo» Reınoso «Kanelonyń» Gennadıı Golovkınmen (38-0-1, 34 KO) ekinshi aıqasynan ne kútetinin aıtty, dep habarlaıdy Sports.kz.
«15 qyrkúıekte eki oqıǵa bolady. Saýl jeńilip kórmegen Golovkındi jeńip, Abel Sanchestiń aýzyn jabady. Sanches úndemeýi tıis. GGG eshteńe aıtpaıdy, al ol únemi sóılep qalady. Endi boksshylar aıqassyn. Boksshylar dańqqa ıe bolady. Biz óz jumysymyzdy atqaryp jatyrmyz. Sonymen núkte qoıylsyn», - dedi «Chepo» Hoy Los Angeles-ke bergen suhbatynda.
«Kanelo» - GGG birinshi jekpe-jegi 2017 jyldyń 16 qyrkúıeginde Las-Vegasta ótip, daýly teń nátıjemen aıaqtaldy. Ekinshi aıqas 15 qyrkúıek kúni sol jerde ótedi.
