Kanelonyń sparrıng-seriktesi Bek Nurmaǵanbet Er-Rııadta qarsylasyn nokaýtqa túsirdi
ASTANA. KAZINFORM — Qazaqstandyq boksshy Bek Nurmaǵanbet (16-0, 14 KO) Saýd Arabııasynyń Er-Rııad qalasynda ótken boks keshinde óner kórsetti. Bul týraly Kazinform agenttigi Sports.kz saıtyna silteme jasap habarlady.
Ol meksıkalyq Markos Rodrıgespen (21-3-1, 10 KO) judyryqtasty. Ekinshi orta salmaqtaǵy 10 raýndqa josparlanǵan jekpe-jek Nurmaǵanbettiń birinshi raýndta nokaýtpen jeńýimen aıaqtaldy. Buǵan deıin qazaqstandyq boksshy qarsylasyn nokdaýnǵa túsirgen.
Osylaısha, Bek Nurmaǵanbet kásipqoı bokstaǵy 17-jeńisine qol jetkizdi. Al Markos Rodrıges kásibı mansabyndaǵy tórtinshi jeńilisine ushyrady.
Aıta keteıik, Bek Nurmaǵanbet — meksıkalyq boksshy Saýl «Kanelo» Alvarestiń sparrıng-seriktesi. Alvares Er-Rııadtaǵy boks keshiniń basty jekpe-jeginde frantsııalyq Krıstıan Mbıllımen (29-0-1, 24 KO) chempıondyq ataq úshin kezdesedi. Kanelonyń kásipqoı bokstaǵy kórsetkishi — 63 jeńis, 3 jeńilis jáne 2 teń nátıje (39 nokaýt).
Eske salaıyq, buǵan deıin qazaqstandyq boksshy Jánibek Álimhanuly (17-0, 12 KO) ekinshi orta salmaqtaǵy chempıondyq belbeýlerdi biriktirý jekpe-jegin 2027 jylǵy mamyrda ótkizgisi keletinin málimdegen edi.
