«Kanelomen» jekpe-jekte Golovkınniń soqqylary nege dál tımedi

ASTANA. QazAqparat - Boxingscene.com tilshisi Stıven Edvards qazaqstandyq boksshy Gennadıı Golovkınniń (38-0-1, 34 KO) meksıkalyq Saýl Alvarespen (49-1-2, 34 KO) bolǵan jekpe-jek kezindegi is-áreketine baǵa berdi, dep habarlaıdy QazAqparat Sports.kz-ke silteme jasap.  

«Alǵashqy kezdesýde Golovkın jasaǵan soqqylardyń dáldigi nashar boldy. Boksshy dáldikti umytsa, munda úsh másele bolýy múmkin. Birinshiden, ol kontrpanchty oılaǵandyqtan belgili bir soqqylardy jasaǵysy kelmeıdi degen sóz. Ekinshi másele - soqqylardyń ózi dál emes, alaıda GGG jaǵdaıynda olaı bolýy neǵaıbyl, sebebi biz onyń qanshalyqty dál uratynyn jaqsy bilemiz. Úshinshiden, bul álgi birinshi máseleniń saldarynan degen oıǵa keldim - GGG «Kanelonyń» kontrpanchteri men onyń «taıǵanaq» is-qımylynan saqtanyp, osylaı jasaýy múmkin. Óıtkeni, «Kanelomen» jekpe-jekten keıin Golovkın qaıtadan burynǵydaı dál soqqysymen tańǵaldyryp júr»,-dep jazady avtor.

Eske sala keteıik, Golovkın men Alvarestiń birinshi jekpe-jegi daýly jaǵdaıda teń aıaqtalǵan bolatyn.