«Kanelomen» aıqasta Golovkınniń gonorary nege joǵary bolý kerek
ASTANA. QazAqparat - Boxingnews24.com jýrnalısi Shon Djons nelikten Gennadıı Golovkınniń Saýl «Kanelo» Alvarespen ekinshi jekpe-jekte joǵary gonorarǵa úmitkerlik etýge quqyly ekendigin aıtty, dep jazady Sports.kz.
Keshe qazaqstandyqtyń promoýteri Tom Leffler 5 mamyrdaǵy jekpe-jekti keıinge qaldyrǵany úshin ótemaqy retinde ekinshi aıqastan túsetin tabystyń protsentin joǵarylatýdy usynǵanyn aıtqan.
Alaıda, «Kanelo» ókilderi Oskar de la Hoııa kelisimniń shartyn ózgertýge nıetti emestikterin jetkizip, GGG-diń onsyzda 20 mıllıon dollar aqy alatynyn málimdegen bolatyn.
Lefflerdiń myna sebepter boıynsha Golovkınge joǵary protsent suraıtyn quqysy bar:
«Kanelonyń» klenbýterolǵa tapsyrǵan synamasynyń eki ret oń nátıje berýi;
Alvarespen bolmaı qalǵan ekinshi jekpe-jekke jattyǵý úshin ýaqyt jumsaǵany;
Endi GGG 15 qyrkúıekte «Kanelomen» kezdesse, IBF chempıony belbeýinen aırylyp qalý qaýpi bar;
2017 jyldyń qyrkúıeginde Las-Vegastaǵy T-Mobile Arena-da birinshi jekpe-jeginiń nátıjesi boıynsha daýlar.
Foto: s-cdn.sportbox.ru
