«Kaneloǵa» Golovkınmen 16 qyrkúıek kúni aıqasý mańyzdy boldy - Oskar De La Hoııa
ASTANA. QazAqparat - Golden Boy Promotions basshysy Oskar De La Hoııanyń málimdeýinshe, 16 qyrkúıek - Meksıka Táýelsizdigi kúni bolǵandyqtan jáne Meıvezer men Makgregor da osy kúni kezdesýge nıet bildirgendikten, ol Gennadıı Golovkın men Saýl Alvarestiń jekpe-jegin osy kúni Las-Vegastaǵy T-Mobile arenasynda ótkizý úshin baryn salǵan, dep habarlaıdy Sports.kz.
«Kanelo» úshin aıqastyń 16 qyrkúıek kúni ótýi óte mańyzdy boldy. Bul boks úshin de óte mańyzdy kún. Saýl buǵanǵa deıin eshkimniń qolynan kelmegen isti istedi - Meıvezerdi 16 qyrkúıek kúnin tańdaý raıynan qaıtardy. Barlyq usynystar erekshe boldy, úlken sharany Djerrı Djons óz jerinde (Dallasta) ótkizgisi keldi, alaıda «Kanelo» ol usynǵan merzimmen kelispedi, - dedi Oskar Boxingscene.com-ǵa bergen suhbatynda.
