«Kaneloǵa» boks qoǵamdastyǵyn renjitpeı Golovkınmen kezdesý qajettigi aıtyldy

ASTANA. QazAqparat - Boxingnews24.com jýrnalısi Shon Djons Saýl Alvarestiń aldaǵy qyrkúıekte Golovkınge qarsy jekpe-jekten bas tartý múmkindigi týraly pikir bildirdi, dep jazady Sports.kz.

«Eger Golovkın men «Kanelonyń» ekinshi kezdesýi ótkizilmese, boks qoǵamdastyǵy renjýi múmkin. Jankúıerler 2017 jylǵy 16 qyrkúıektegi kezdesýdiń jeńimpazyn kóre alǵan joq. GGG taza jeńip turǵanyn kórsek te, tóreshiler teń nátıje tirkedi. Eger 15 qyrkúıekke josparlanyp otyrǵan rematch ótpeı qalsa, fanattar men BAQ «Kanelo» men Golden Boy kompanııasyn Golovkınniń qartaıǵanyn ańdyp otyr dep oılaıdy. Ol 2015 jyly-aq judyryqtasqysy kelgen, biraq de la Hoııa «Kanelonyń» áli daıyn emes ekendigin aıtyp, syltaýratqan bolatyn», - deıdi avtor.