«Kanelodan» jeńilgen Golovkın men onyń bapkeri dál qazir qandaı kúıde júr

ASTANA. QazAqparat - Qazaqstandyq boksshy Gennadıı Golovkınniń (31-1-1, 34 KO) bapkeri Abel Sanches mańyzdy jekpe-jekte jeńilis tapqan qaramaǵyndaǵy boksshylardy qalaı qoldaıtynyn aıtty, dep habarlaıdy Sports.kz.

Golovkın qarymta kezdesýde meksıkalyq Saýl Alvaresten (50-1-2, 34 KO) jeńilip, WBA Super, WBC jáne IBO nusqalary boıynsha orta salmaqtaǵy álem chempıony tıtýlynan aıyrylǵan bolatyn.

«Bizdiń estelikterimiz qysqa bolýy kerek. Olardy artqa qaldyryp, keleshekte qaıtalamaýǵa tyrysqan abzal. Biz keri qaıtyp, barlyǵyn qaıta qalpyna keltirýge tıispiz. Jeńilis pen negatıvti sátterden sabaq alǵan jón», - dedi Abel Sanches.

Eske salaıyq, aldyńǵy jyly ótken alǵashqy kezdesýde Golovkın men «Kanelo» teń túsip, el arasynda shý shyqqan edi. Bul joly «Kanelo» tóreshilerdiń basym daýysymen jeńimpaz atanǵanmen, jýrnalıster men jankúıerler mundaı sheshimge narazylyq bildirdi.