«Kanelo» jattyqtyrýshysy Golovkınmen úshinshi jekpe-jek týraly aıtty

NUR-SULTAN. QazAqparat – Saýl «Kanelo» Alvarestiń jattyqtyrýshysy ári menedjeri Eddı Reınoso meksıkalyq sportshynyń qazaqstandyq Gennadıı Golovkınmen 2022 jyly úshinshi jekpe-jegin ótkizý yqtımaldyǵyna pikir bildirdi, dep habarlaıdy QazAqparat Sports.kz saıtyna silteme jasap.

«Bıylǵy jyly «Kanelo» eki jekpe-jek ótkizýdi josparlap otyr. Biz ony aqpan aıyna deıin demaldyryp, odan keıin jyldy bastaımyz. Golovkınmen úshinshi jekpe-jek? Kórermiz, mamyr ne qyrkúıekte kózdeýge bolady. Golovkın jaqynda «Kanelomen» judyryqtasý nıetin bildirdi, sondyqtan úshinshi jekpe-jek ótkizý oıda bar. Biraq ol endi ekinshi orta salmaqta ótedi. Eger Golovkın qalasa, kóterile alady. Saýl endi orta dıvızıonǵa túspeıdi. Ol joǵary kóterile alady, orta salmaqtan alshaqtady.

Beterbıev pen Bıvol – bular da varıanttar. Bıyl ne bolatynyn kóreıik», - dedi Reınoso Fight Hub TV-men áńgimelesý barysynda.

Buǵan deıin promoýter Eddı Hırn Alvareske DAZN-da mamyr aıynda Dmıtrıı Bıvolmen jne qyrkúıekte Golovkınmen jekpe-jek ótkizýdi usynǵanyn rastady.