«Kanelo» WBO-nyń chempıondyq tıtýlynan bas tartty
«Kanelo» ótken aıda Sergeı Kovalevten tartyp alǵan WBO nusqasy boıynsha jartylaı orta salmaqtaǵy álem chempıony tıtýlyn bosatty. WBO-nyń túsindirýinshe, ol sýperchempıonǵa beriletin artyqshylyqtardy saqtap qalady, ıaǵnı «Kanelo» ile-shala WBO-nyń kez kelgen ózge chempıonyna mindetti qarsylas atanýy múmkin», - dep málim etti ınsaıder Maıkl Benson.
Eske salsaq, meksıkalyq boksshy reseılik Sergeı Kovalevpen ótkizgen jekpe-jekte ony 11-inshi raýndta nokaýtqa jiberip, álem chempıony beldigine ıe bolǵan edi.
Sondaı-aq Saýl Alvarestiń promoýteri Oskar De La Hoııa onyń chempıondyq ataqtan bas tartýyna qatysty pikir bildirdi.
«Biz «Kanelonyń» jáne WBO-nyń qabyldaǵan sheshimin tolyǵymen qoldaımyz. «Kanelo» álem chempıony bolý úshin Sergeı Kovalevke áserli toıtarys bergen bolatyn. Onymen qosa, ol ortasha aýyr salmaqta aıtarlyqtaı qaýipti ekenin kórsetti. Sondaı-aq ol fanattarǵa qyzyqty aıqastar kórsetý úshin dıvızıondardy aýystyra alatynyn baıqatty», - dep keltiredi promoýterdiń sózin Badlefthook.com portaly.