15:45, 12 Qyrkúıek 2022 | GMT +6
«Kanelo» úshinshi kezdesýdiń aldynda Golovkınniń sheberligin joǵary baǵalady
NUR-SULTAN. QazAqparat – Osyǵan deıin qazaqstandyq boksshy Gennadıı Golovkındi moıyndamaıtynyn birneshe márte málimdegen ekinshi orta dıvızıondaǵy álem chempıonynyń barlyq negizgi ataqtarynyń ıegeri Saýl «Kanelo» Alvares qazaqstandyq boksshymen úshinshi kezdesýiniń qarsańynda onyń sheberligine joǵary baǵa berdi, dep habarlaıdy QazAqparat Sports.kz saıtyna silteme jasap.
Degenmen «Kanelo» 40 jastaǵy GGG-den sheberliginiń basym ekendigine kúmámdanbaıtynyn jetkizdi.
«Sóz joq, ol myqty boksshy. Sonymen qatar ol qıyn qarsylas, tegeýrindi, aılaker jekpe-jek sheberi. Ol óz zamanyndaǵy dańqty sportshylardyń biri. Menińshe, ekeýmizdiń stılimiz alda bolatyn kezdesýdi erekshe etý úshin jaratylǵandaı. Men osy sport túrinen biraz bıikterdi eńsergen myqty boksshymyn. Meniń sparrıngterim de kóp boldy. Qazir meniń kúsh-qýatym tolysyp turǵan kez. Meniń Golovkınnen ereksheligim de osy», - dep málimdedi Matchroom Boxing-te Alvares.
Gennadıı Golovkın men Saýl Alvarestiń úshinshi kezdesýi 17 qyrkúıekte Las-Vegasta (Qazaqstanda 18 qyrkúeık kúni tańda) ótedi.
