«Kanelo» úshinshi aıqasta Golovkınniń asa qaýipti ekenin moıyndady

NUR-SULTAN. QazAqparat – Ekinshi orta salmaqtaǵy absolıýtti álem chempıony Saýl «Kanelo» Alvares osy demalysta Las-Vegasta ótetin Gennadıı Golovkınmen úshinshi aıqastyń mańyzdy ekenin aıtty, dep habarlaıdy QazAqparat Sports.kz saıtyna silteme jasap.

«

Bizdiń barlyq jekpe-jegimizdiń ishindegi eń mańyzdysy osy úshinshi aıqas dep oılaımyn. Golovkın bul aıqasqa óziniń sońǵy jekpe-jegi bolýy múmkin degen oımen qaraıdy. Bul ony barynsha qaýiptirek etip tur. Biraq, men de qaýiptimin, rıngte barymdy salamyn. Jalpy, barlyq aıqasyma osylaı qaraımyn, bul joly da solaı. Bul jekpe-jek men úshin ózindik mańyzǵa ıe, sondyqtan oǵan burynǵydan da artyq kúsh jumsaımyn. Men 100% daıynmyn. Birinshi raýndtan bastap merziminen buryn aıaqtaýǵa tyrysamyn

», - dedi «Kanelo» BAQ-qa bergen suhbatynda.

Aıta keteıik, 18 qyrkúıek kúni tańerteń Las-Vegasta (AQSh) qazaqstandyq boksshy Gennadıı Golovkın (42-1-1, 37 KO) men meksıkalyq Saýl «Kanelo» Alvarestiń (57-2-2, 39 KO) úshinshi jekpe-jegi ótedi.

Qazaqstanda Golovkın men «Kanelo» arasyndaǵy úshinshi aıqas Qazsport telearnasynan kórsetiledi dep josparlanǵan. Boks keshiniń translıatsııasy Nur-Sultan ýaqytymen saǵat 5:00-de bastalady. Basty sheshýshi aıqas shamamen saǵat 8:00-de bolady.

Foto: sports.kz