«Kanelo» sporttyq mansabyn Golovkınnen buryn aıaqtaýy múmkin

NUR-SULTAN. QazAqparat - Saýl Alvarestiń (53-1-2, 36 KO) bapkeri Eddı Reınoso meksıkalyq boksshynyń karerasyn aıaqtaýyn josparlap otyrǵandyǵyn aıtty, dep habarlaıdy Sports.kz.

«Eger «Kanelo» qazirgideı qalypta jumys ister bolsa, onda eshqandaı másele týyndamaıdy. Meniń oıymsha, oǵan boksta óner kórsetýine áli 5-7 jyldaı bar», dep esepteıdi Reınoso.

Osylaı jalǵasa berse, «Kanelo» 34-36 jasynda mansabyn aıaqtaıdy.

Eger salystyrar bolsaq, Alvarestiń qarsylasy, qazaqstandyq boksshy Gennadıı Golovkın (40-1-1, 35 KO) tipti 38 jasynda judyryqtasyp júr jáne ázirge sporttan ketýdi josparlap júrgen joq.

Budan basqa Golovkın «Kanelomen» úshinshi aıqasty kútýde. Olardyń talas týdyrǵan alǵashqy jekpe-jegi tóreshilerdiń basym daýsymen «Kanelonyń» jeńisimen aıaqtalǵan bolatyn.