«Kanelo» Sondersti tize búktirip, úsh álem chempıony tıtýlyn biriktirdi
NUR-SULTAN. QazAqparat – Arlıngtonda (AQSh) AT&T Stadium stadıonynda meksıkalyq boksshy Saýl Alvares (55-1-2, 37 KO) pen brıtandyq Bıllı Djo Sonders (30-0, 14 KO) arasynda jekpe-jek boldy, dep habarlaıdy QazAqparat Sports.kz saıtyna silteme jasap.
«Kanelo» WBC men WBA Super nusqalary boıynsha sýper orta salmaqtaǵy álem chempıony beldikterin, al Sonders, óz kezeginde, osy sanattaǵy WBO tıtýlyn báske tikti. Jekpe-jek 12 raýndqa josparlanǵan edi, biraq oıyn ýaqytynan erte bitti. Bıllı Djo toǵyzynshy raýndqa shyǵýdan bas tartty. Osylaısha, meksıkalyq kásibı bokstaǵy 56-shy jeńisine jetip, dıvızıondaǵy úsh chempıondyq tıtýldy biriktirdi, al Sonders mansabynda alǵash ret jeńilis tapty.
Eske sala keteıik, «Kanelo» qazaqstandyq Gennadıı Golovkınmen (40-1-1, 36 KO) úshinshi ret aıqasýǵa daıyn ekenin bildirdi, degenmen bul úshin GGG sýper orta salmaqqa kóterilýi tıis.
