Kanelo promoýterlik kompanııasynyń matchmeıkeri Golovkın - Djeıkobs jekpe-jegine boljam jasady
ASTANA. QazAqparat - Golden Boy Promotions promoýterlik kompanııasynyń matchmeıkeri Robert Dıas Gennadıı Golovkın (36-0, 33 KO) men Denıel Djeıkobstyń (32-1, 29 KO) aldaǵy jekpe-jegine boljamyn bildirdi, dep habarlady Sports.kz.
- Bul tartysty, qyzyqty aıqas. Qazir Djeıkobs Golovkınmen jekpe-jekke shyqqandardyń ishindegi úzdik qarsylas. Ol Golovkınnen qoryqpaıdy, jeńý úshin rıngke shyǵady. GGG mundaı úılesimdilikke áli kezikken emes. Djeıkobs bokstasa alady, jyldamdyǵy, djebi, kúshi de jeterlik. Djeıkobs jeńe me, jeńilmeı me, oıyn teń aıaqtala ma, qalaı bolǵanda da, ol chempıon bolyp qala beredi. Eger jekpe-jektiń qalaı aıaqtalatynyn boljasaq, GGG sońǵy raýndtarda alǵa umtylyp, qýatty soqqylar jasaıdy, sosyn Djeıkobstyń buryshqa tyǵylýymen aıqas toqtatylady. Menińshe toǵyzynshy raýndta tehnıkalyq nokaýt bolady», - dedi Dıas.
