«Kanelo»: Meniń komandam Golovkınmen jekpe-jek ótkizýge qarsy
ASTANA. QazAqparat - Meksıkalyq boksshy Saýl «Kanelo» Alvares onyń komandasy áli bir jeńilip kórmegen qazaqstandyq Gennadıı Golovkınmen kezdesý ótkizýge qarsy ekenin málim etti.
«Men jankúıerler arasyndaǵy kúmándi seıiltý úshin qazir-aq Golovkınmen kezdeser edim. Alaıda meniń komandam oǵan qarsy, men komandammen jumys jasaýym kerek», - degen Alvarestiń sózderin VKontakte jelisindegi GGG resmı paraqshasy keltirdi.
Golovkın men Kanelo aǵymdaǵy jyldyń qyrkúıeginde sharshy alańǵa shyǵady dep kútilgen, alaıda mamyr aıynda meksıkalyq WBC beldiginen bas tartyp, jekpe-jek 2017 jyldyń qyrkúıegine shegerildi.
Buryn habarlanǵandaı, meksıkalyq bylǵary qolǵap sheberiniń promoýteri Oskar de la Hoııa jekpe-jektiń ótetinin rastady: «Jurt Golovkın - «Kanelo» jekpe-jegin bir jyldan astam surady. Pakıao - Meıvezer kezdesýin olar segiz jyl kútken. «Kanelo» men Golovkın jekpe-jegi kelesi jyly bolady. Biz daıyn bolǵanda ony ótkizýge kelisemiz. Kanelo 154 fýnt salmaq dárejesinde, Golovkın - 160 fýnt salmaq dárejesinde judyryqtasady. Kanelo 160 fýnt dárejesindegi kezdesýge daıyn bolǵanda, biz ony uıymdastyramyz».
