«Kanelo» men Golovkın 2019 jyly kezdesýi múmkin

ASTANA. QazAqparat - Meksıkalyq boksshy Saýl Alvares (50-1-2, 34 KO) aldaǵy jylǵy josparlarymen bólisti, dep habarlaıdy Sports.kz.

«Kanelo» rıngke eki ret shyqqaly otyr. Alaıda ol bolashaq qarsylastarynyń esimderin atamady. 

«Meniń biletinim, kelesi jyly mamyrda jáne qyrkúıekte kezdesý ótkizemin. Men jankúıerlerime keremet qyzyqty boks kórsetemin»,-dedi «Kanelo».

Aıta keteıik, qazaqstandyq Gennadıı Golovkınniń komandasy «Kanelomen» úshinshi ret kezdeskileri keledi. Alaıda meksıkalyq boksshynyń promoýteri Erık Gomes bul kezdesýdiń mamyrda bolmaıtynyn aıtty. Osylaısha, kezdesýge yńǵaıly ýaqyt tek 2019 jyldyń qyrkúıek aıy bolmaq. GGG-diń «Kanelomen» birinshi kezdesýi de ekinshi kezdesýi de qyrkúıekte ótti. 2017 jyldyń 16 qyrkúıeginde boksshylar teń tústi. Alaıda bul teńdik daýly boldy. 2018 jyldyń 15 qyrkúıeginde «Kanelo» tóreshilerdiń kópshilik daýysymen jeńip ketti.