«Kanelo»-Kovalev anderkartynda qazaqstandyq boksshy jeńiske jetti

NUR-SULTAN. QazAqparat – Qazaqstandyq boksshy Meıirim Nursultanov (12-0, 8 KO) Saýl «Kanelo» Alvares — Sergeı Kovalev aıqasynyń anderkartynda jeńiske jetti, dep habarlaıdy Sports.kz.

Nursultannyń qarsylasy meksıkalyq Krıstıan Olıvas (16-5, 13 KO) boldy. 10 raýndqa eseptelgen jekpe-jekte tóreshilerdiń biraýyz sheshimimen qazaqstandyq boksshy jeńimpaz atandy.

Eske sala ketsek, Meıirim Nursultanov buǵan deıin Reseıdiń Chelıabi qalasynda WBO belbeýine talasqan boksshylar Sergeı Kovalev – Entonı ıArd aıqasynyń anderkartynda óner kórsetken bolatyn. Meıirim Nursultanov ol kezde reseılik Artýr Osıpovpen (15-1, 10 KO) kezdesý ótkizip, 10 raýndqa shaqtalǵan orta salmaqtaǵy aıqas Meıirimniń jeńisimen aıaqtaldy. Ádilqazy biraýyzdan osylaı dep sheshti.

Aıta keteıik, Meıirim Nursultanov pen Sergeı Kovalev búginde «Main Events» promoýterlik kompanııasynda.