«Kanelo» qashyp júretin boksshyǵa aınalǵan - Golovkınniń bapkeri
ASTANA. QazAqparat - Orta salmaqta WBC, WBA (Super) jáne IBO tujyrymdary boıynsha álem chempıony qazaqstandyq boksshy Gennadıı Golovkınniń (38-0-1, 34 KO) bapkeri Abel Sanches meksıkalyq boksshy Saýl "Kanelo" Alvarestiń (49-1-2, 34 KO) ekinshi kezdesýde de passıv boksshy bolatynyn aıtady, - dep habarlaıdy Vestı.kz LA Times-qa siltememen.
"40 jekpe-jekte Alvarestiń stıli basqa edi, endi mine ol qashyp júretin boksshyǵa aınaldy. Kezdesýge deıin fanattarǵa bergen ýádesimen jekpe-jekte kórsetetini múlde eki bólek nárse. Golovkındi qulatamyn dedi me, baǵyn synap kórsin. Meniń oıymsha bul joly da "Kanelo" agresıvti judyryqtasa qoımaıdy. Qashyp júrgenim úshin fanattar áleýmettik jelide ony jerden alyp, jerge salyp jatyr. Ol osylaı jalǵastyratyn bolsa, jankúıerler ony aıaı qoımas. Osy qalpynda jalǵastyrǵysy kelse ózi bilsin. Biz oǵan eshteńe isteı almaımyz", - dedi Sanches.
Qazaqstandyq pen meksıkalyq boksshy arasyndaǵy ekinshi kezdesýi 15 qyrkúıekte AQSh-tyń Nevada shtatyndaǵy Las-Vegas qalasyndaǵy T-Mobile arenasynda ótedi. Bir jyl buryn dál osy jerde qos boksshy ózara myqtyny anyqtaı almaǵan edi.
