«Kanelo» Golovkınnen keıingi aıqasyn qaıda jáne qashan ótkizedi

ASTANA. QazAqparat - Golden Boy Promotions promoýterlik kompanııasynyń prezıdenti Erık Gomes meksıkalyq boksshy Saýl Alvares Gennadıı Golovkınmen rematchta jeńiske jetken jaǵdaıda kelesi jekpe-jegin qaıda ótkizýi múmkindigin aıtty, dep habarlaıdy Sports.kz.

«Biz 15 jeltoqsanǵa Madison Square Garden keshenine bron jasap qoıdyq», - dedi Gomes. Mamannyń sózi Tvıtterdegi Fight Sports paraqshasynda jarııalandy.

Eske salaıyq, «Kanelo» men GGG-diń qarymta kezdesýi 15 qyrkúıek kúni Las-Vegastaǵy T-Mobile arenada bolady. Dál osy jerde ótken jyldyń qyrkúıek aıynda boksshylardyń alǵashqy jekpe-jegi ótken edi. Tóreshilerdiń sheshimimen kezdesý teń aıaqtaldy. Bul joly boksshylardyń ekeýi de kezdesýdi nokaýtpen aıaqtaýǵa oqtalyp otyr. Sondaı-aq aıqas nátıjesin tóreshilerdiń sheshimine salmaýdy uıǵarýda.