«Kanelo» Golovkınmen jekpe-jegi aldynda otasy týraly aıtty

ASTANA. QazAqparat - Meksıkalyq boksshy Saýl Alvares (49-1-2, 34 KO) sáýir aıynda tizesine jasalǵan ota týraly taǵy aıtty, dep habarlaıdy Sports.kz.

«Bul tazalaý operatsııasy boldy. Іsigimdi alyp tastap, keıin tazalady. Sebebi aýyrsynyp júrgen shemirshekterim de boldy. Tizem mazamdy qashyryp júrgen edi, otaǵa sol úshin de kelistim. Qazir ońaılyqpen júgirip júrmin, zalda da jattyǵýǵa eshqandaı kedergi joq», - dedi Alvares.

Eske salaıyq, 15 qyrkúıek kúni Las-Vegastaǵy T-Mobile arenasynda «Kanelo» men qazaqstandyq Gennadıı Golovkınniń (38-0-1, 34 KO) qarymta jekpe-jegi ótedi.

Kezdesýdi «Qazaqstan» men «Qazsport» telearnalary tikeleı efırden kórsetedi.

Aıta keteıik, Golovkınniń promoýteri Tom Leffler Saýl Alvareske qarsy rematch qarjylyq turǵydan tıimdi bolǵandyqtan ony ótkizýge keliskenin moıyndady. Sondaı-aq ol boksshylar úshinshi márte rıngke shyǵýy múmkindigin de jetkizdi.