«Kanelo» Golovkınmen úshinshi jekpe-jektiń jalǵyz shartyn jarııalady

NUR-SULTAN. QazAqparat – Qazaqstandyq boksshy Gennadıı Golovkınniń promoýteri Eddı Hırn Saýl «Kanelo» Alvares reseılik Dmıtrıı Bıvolmen múmkindiginshe tezirek revansh ótkizýge daıyn ekenin málim etti. Meksıkalyq boksshy osy aıdyń basynda Bıvoldan jeńilip qalǵan edi, dep habarlaıdy QazAqparat Sports.kz saıtyna silteme jasap.

Budan buryn meksıkalyq boksshy bıylǵy qyrkúıekte Gennadıı Golovkınmen úshinshi jekpe-jek ótkizýdi josparlaǵan. Biraq reseılik boksshydan kútpegen jeńilis bul josparǵa ózgeris engizdi. Alaıda, Hırn Kanelo men GGG arasyndaǵy kúzgi kezdesý áli de ótýi múmkin ekenin joqqa shyǵarmaıdy.

«Keshe Kanelomen sóılestim. Dúısenbi kúni onymen ári qaraı ne isteıtinimizdi talqylaımyz. Biz onyń qyrkúıek aıynda orta salmaqta «absolıýtti chempıon» ataǵy úshin GGG-men judyryqtasý jospary bar ekenin bilemiz. Bul jekpe-jekti ótkizýimiz kerek, biraq «Kanelo» Dmıtrıı Bıvolmen qarymta kezdesýin kútýde. Ol Bıvolmen judyryqtasqannan keıin ǵana GGG-men kezdesedi dep oılaımyn. Ony uıymdastyrýdyń jalǵyz múmkindigi osy ǵana shyǵar. Sonymen, dúısenbi kúni «Kanelomen» sóılesip, bir aptadan keıin sheshim qabyldaımyz. «Kanelo» Dmıtrıımen revansh shartyn áli naqtylaǵan joq. Biz aldaǵy apta jáne demalys kúnderi barlyǵyn talqylaımyz», - dedi Hırn Talksport -qa bergen suhbatynda.