«Kanelo» Golovkınmen úshinshi jekpe-jekke shyǵatynyn málimdedi

NUR-SULTAN. QazAqparat - Ekinshi orta salmaqtaǵy Álem chempıonynyń barlyq negizgi tıtýldarynyń ıegeri Saýl «Kanelo» Alvares orta salmaqtaǵy chempıon Gennadıı Golovkınmen úshinshi jekpe-jek ótkizetinin, artynsha WBA Super belbeýiniń ıesi Dmıtrıı Bıvolmen qaıta kezdesý josparyn jarııalady, dep habarlaıdy QazAqparat Sports.kz-ke silteme jasap.

Mamyr aıynyń basynda «Kanelo» tóreshilerdiń biraýyzdan qabyldaǵan sheshimimen Bıvoldan jeńildi. 17 qyrkúıekte meksıkalyq Golovkınmen trılogııany aıaqtaýǵa nıetti, sodan keıin kelesi jyly reseılikpen teń túsýge tyrysady.

«Bul qazirgi ýaqytta bokstaǵy eń mańyzdy eki jekpe-jek – Golovkınmen (úshinshi) jekpe-jek jáne ókinishke oraı jeńiliske ushyraǵan Bıvolmen revansh. Biraq bul qaıta jeńilmeımin degendi bildirmeıdi, men óte tabandy adammyn», - dedi Kanelo meksıkalyq jýrnalısterge.