«Kanelo» Golovkınmen úshinshi jekpe-jekke daıyn

ASTANA. QazAqparat - Orta salmaqta WBA (Super) jáne WBC chempıony Saýl «Kanelo» Alvares Gennadıı Golovkınmen úshinshi ret kezdesýge daıyn ekendigin aıtty, dep habarlaıdy QazAqparat Sports.kz-ke silteme jasap.

Eske salsaq, 2017 jyly ótken Alvares-Golovkın jekpe-jegi teń nátıjemen aıaqtaldy. Al bıylǵy qyrkúıektegi revansh tóreshilerdiń sheshimimen Alvarestiń paıdasyna aıaqtaldy. «Kanelo» endi 15 jeltoqsan kúni Nıý-Iorkte ekinshi orta salmaqta álemniń «turaqty» chempıony Rokkı Fıldıngpen judyryq túıistiredi.

«Ol (Golovkın) qalaǵanyn isteı bersin. Men óz isimdi istedim. Aldaǵyny kóre jatarmyz. Úshinshi jekpe-jekke qashan bolsa da daıynmyn.

Qudaı qalasa, sýperorta salmaqta osy tıtýldy jeńip, 160 fýntqa qaıtamyn. Nokaýtpen jeńý qashanda jaqsy. Osy aıqasty merziminen buryn aıaqtaýǵa barymdy salamyn. «Medıson Skver Gardenge» kelgen fanattarǵa tamasha jekpe-jek syılaýǵa tyrysamyn», - dedi «Kanelo» The Ring-ke bergen suhbatynda.