«Kanelo» Golovkınmen úshinshi jekpe-jek ótkizgisi kelmeıdi

ASTANA. QazAqparat - Meksıkalyq boksshy Saýl Alvares (49-1-2, 34 KO) qazaqstandyq bylǵary qolǵap sheberi Gennadıı Golovkınge (38-0-1, 34 KO) qarsy úshinshi ret rıngke shyǵýdy qalamaıtynyn aıtty, dep habarlaıdy Sports.kz.

«Birinshi jekpe-jek artta qaldy, ekinshisi de ótedi... Ol qalaı aıaqtalatynyna qaraı adamdar taǵy bir ret, úshinshi jekpe-jekti kórgisi keledi. Óz basym barlyǵy osy jerde aıaqtalǵanyn qalaımyn. 15 qyrkúıekte ózimniń úzdik ekenimdi dáleldegim keledi», - deıdi «Kanelo».

Eske sala keteıik, birinshi jekpe-jek teń nátıjemen aıaqtalǵan bolatyn. Rematch 15 qyrkúıek kúni Las-Vegasta ótedi.