«Kanelo» Golovkınmen úshinshi jekpe-jegin taǵy da keıinge qaldyrdy
NUR-SULTAN. QazAqparat – Meksıkalyq boksshy Saýl Alvares (52-1-2, 34 KO) komandasynyń qyrkúıektegi jekpe-jekten bas tartatyndyǵyn jarııalady, dep habarlaıdy QazAqparat Sports.kz-ke silteme jasap.
«Meksıka uly retinde, mamyr jáne qyrkúıek
aılarynda elimniń namysyn qorǵaý – men úshin úlken abyroı. Biraq, birneshe salmaq
sanatyndaǵy álem chempıony retinde tartysty ári qyzyqty jekpe-jekter ótkizýdiń
jaýapkershiligin de sezinemin. Sondyqtan Golden Boy jáne meniń komandam
jekpe-jektiń ýaqytyn keıinge qaldyrǵandy jón sanadyq – bul fanattarym úshin
durys sheshim. Biz úzdik qarsylasqa qarsy úzdik jekpe-jek ótkizgimiz keledi, - dep
málimdedi «Kanelo».
Eske sala keteıik, áýel basta 14 qyrkúıek kúni Saýl Alvares qazaqstandyq boksshy Gennadıı Golovkınmen (39-1-1, 35 KO) úshinshi ret jekpe-jek ótkizedi dep josparlanǵan edi.
