«Kanelo» Golovkınmen úshinshi ret judyryqtasýǵa daıyn

SAN-ANTONIO. QazAqparat – Meksıka boksshysy Saýl Alvares (54-1-2, 36 KO) brıtandyq Kallým Smıtti (27-1, 19 KO) jeńgennen keıin suhbat berdi, dep habarlaıdy QazAqparat Sports.kz saıtyna silteme jasap.

«Uzaq ýaqyt kidiris bolsa da, bul jekpe-jekke daıyndyqta tamasha jumys atqardyq. Men rıngke oralyp, ózimnen alyp jigitti jeńgenime baqyttymyn. Iá, ol myqty boksshy, biraq men birinshi raýndta-aq ózimniń kim ekenimdi tanyttym. Álemde úzdik ekenimdi dáleldedim. Maǵan 168 fýntta shyqqan unady. Bul dıvızıonda beldikterge qol jetkizgenim – meniń úzdik nátıjelerimniń biri. Men munda beldikterdiń basyn qosqym keledi, jańa jekpe-jekterdi qalaımyn. Bul – meniń maqsatym. Bolashaqta Golovkınmen úshinshi ret aıqasýym múmkin be? Men tek úzdiktermen judyryqtasqym keledi. Eger bul jekpe-jekti qabyldaý múmkindigi týsa, men ony qabyldaımyn. Tek úzdiktermen kezdesýge daıyn ekenimdi kórsettim», - dep málimdedi Kanelo.

Eske sala keteıik, «Kanelo» brıtandyq Kalým Smıtti jeńip, WBA jáne WBC nusqalary boıynsha álem chempıony tıtýldaryn ıelendi.

19 jeltoqsanda qazaqstandyq boksshy Gennadıı Golovkın (41-1-1, 36 KO) polıak boksshysy Kamıl Sheremetany (21-1, 5 KO) jeńgennen keıin «Alvares-Smıt» aıqasynyń qaı jeńgenimen kezdesýge nıetti ekenin bildirgen edi.