«Kanelo» Golovkınmen bolǵan jekpe-jegi týraly aıtty

ASTANA. QazAqparat - Meksıka boksshysy Saýl Alvares 50-1-2, 34 KO) WBC tujyrymdamasy boıynsha ortasha salmaqtaǵy álem chempıonynyń beldigin ózine tabystaý rásiminde sońǵy jekpe-jegi týraly aıtty, dep habarlaıdy Sports.kz. 

«Golovkınmen aıqas - qazirgi kezde mansabymdaǵy eń mańyzdysy boldy. Bul birinshi kezeńniń sońy dep sanaımyn. Endi meniń mansabymda budan da jaqsy, ári tabysty jańa kezeń bastalyp otyr», - dedi «Kanelo».

Eske sala keteıik, «Kanelo» 15 qyrkúıek kúni qazaqstandyq boksshy Gennadıı Golovkınmen (38-1-1, 34 KO) ótken revanshtyq aıqasta jeńiske jetti. 

Golovkın men «Kanelonyń» alǵashqy jekpe-jegi 2017 jyldyń 16 qyrkúıeginde Las-Vegasta ótti. Aıqas tóreshilerdiń sheshimimen teń aıaqtaldy.  

Gennadıı úshinshi aıqasqa da kelisimin berdi. Biraq Alvarestiń komandasy ony uıymdastyrýǵa asyǵyp otyrǵan joq. Saýl Alvarestiń kelesi jekpe-jegi 15 jeltoqsanda Nıý-Iork qalasynda ótedi. Onyń qarsylasy  WBA Super nusqasy boıynsha ekinshi orta salmaqtaǵy chempıon Rokkı Fıldıng (27-1, 15 KO) bolmaq.