Kanelo Golovkınmen aıqasqa nıetti ekenin málimdedi

NUR-SULTAN. QazAqparat - Meksıkalyq boksshy Saýl Alvares amerıkalyq Kaleb Plantty jeńgennen keıin óz josparlary týraly aıtyp, qazaqstandyq Gennadıı Golovkınmen úshinshi jekpe-jek ótkizý týraly suraqqa jaýap berdi, dep habarlaıdy Sports.kz saıty Match.tv-ǵa silteme jasap.

– Men úshin taǵy tórt jekpe-jek - qalypty. Úsh-tórt aıqas ótkizýge daıynmyn. Men erkin agentpin, sondyqtan úzdik jekpe-jekterge qatysqym keledi, - dedi Alvares.

Sondaı-aq «Kanelo» orta salmaqtaǵy IBF jáne IBO belbeýleriniń ıegeri Gennadıı Golovkınmen úshinshi jekpe-jek ótkizý múmkindigin de baǵalady.

- Men Golovkınmen judyryqtasqym keledi. Eger ol sýper orta salmaqqa aýysýǵa daıyn bolsa, men de daıynmyn. Árqashan. Absolıýtti chempıon bolý ońaı emes. Myqtylarmen aıqasýǵa árqashan daıynmyn, – dep qosty ol.

Saýldyń Golovkınmen 2017 jyldyń qyrkúıegindegi alǵashqy jekpe-jegi teń aıaqtaldy. Týra bir jyldan keıin ótken qarymta kezdesýde meksıkalyq tóreshilerdiń basym bóliginiń sheshimimen jeńiske jetti.

Alvares Plantty 11-shi raýndta jeńip, sýper orta salmaq tarıhyndaǵy alǵashqy álem chempıony atandy.