«Kanelo» Golovkındi merziminen buryn jeńbek

NUR-SULTAN. QazAqparat – Ekinshi orta sanattaǵy absolıýtti álem chempıony Saýl «Kanelo» Alvares Gennadıı Golovkındi 17 qyrkúıekte ótetin trılogııanyń sońǵy bóliginde merziminen buryn jeńýge bel býǵanyn málimdedi, dep habarlaıdy QazAqparat tilshisi Sports.kz saıtyna silteme jasap.

«Kanelo» GGG-men shaıqasta mamyr aıyndaǵy Dmıtrıı Bıvoldan jeńilisin jýyp-shaıyp, óz dıvızıonyndaǵy barlyq negizgi ataqtardy qorǵaýǵa nıetti.

«Men bul jekpe-jekke daıynmyn. Rıngke shyǵýdy asyǵa kútemin. Árqashan qaptalmen jumys isteımin ári kóp jattyǵamyn. Barlyq daǵdymdy kórsetip, jumysymdy oryndaǵym keledi. Basqa boksshylardyń Golovkınmen qalaı judyryqtasqanyn kórgim kelmeıdi. Óıtkeni bul múldem basqasha. Bizdiń stılimiz ártúrli. Men jaı ǵana sol jerde bolyp, óz isimdi jasaǵym keledi. Men úshin bul jekpe-jekti senimdi túrde jeńý óte mańyzdy. Jeńilisten keıin maǵan kúshti bolyp oralý mańyzdy. 12-shi raýndqa deıin jeńgim keledi. Bul meniń maqsatym», — dedi «Kanelo» Fight Hub TV-ǵa bergen suhbatynda.

Foto: sports.kz