«Kanelo» Golovkındi aıqyn jeńbeıinshe, R4R reıtınginde eń úzdik boksshy sanalmaıdy - Reı Manchını
NUR-SULTAN. QazAqparat – Burynǵy jeńil salmaqtaǵy álem chempıony Reı Manchını meksıkalyq boksshy Saýl «Kanelo» Alvareske salmaq dárejesine qaramastan (pound-for-pound) ózin álemniń úzdik boksshysy retinde moıyndatý úshin ne isteý kerektigin aıtty, dep habarlaıdy QazAqparat Sports.kz saıtyna silteme berip.
Manchınıdiń pikirinshe, Alvares bul ataqty Golovkınmen úshinshi jekpe-jek ótkizip, ıelenýi tıis.
«Kanelo» - R4R reıtınginiń úzdik boksshysy emes, biraq ol TOP-5-ke kiretini anyq. «Kanelo» GGG-men taǵy da jekpe-jekke shyǵyp, bul joly taza, aıqyn jeńiske jetýi kerek. Birinshi jekpe-jekte eshkim onyń jeńiske jetkenine sengen joq. Ekinshisi jeńiske jaqyn boldy, biraq báribir men «Kanelo» jeńdi dep eseptemeımin. Ol ekinshi jekpe-jekten soń birden úshinshisine kelisim berýi kerek edi, biraq olaı istemedi. Basqa jigitter – Djeıkobs jáne Kovalevpen shyǵyp, ekeýin de soqqylady. Men «Kanelony» keremet boksshy dep esepteımin, biraq ol R4R reıtınginde birinshi nemese ekinshi orynǵa jaıǵasý úshin Golovkındi aıqyn jeńýi kerek dep oılaımyn», - dedi Fight Hub TV–ǵa bergen suhbatynda.
