«Kanelo» Golovkın týraly: Ol myqty, qaýipti boksshy

NUR-SULTAN. QazAqparat – Meksıkalyq boksshy Saýl «Kanelo» Alvares baspasóz máslıhaty barysynda aldaǵy jekpe-jeginde qarsylas bolatyn Qazaqstan ókili Gennadıı Golovkın týraly pikirin bildirdi, dep habarlaıdy QazAqparat Sports.kz saıtyna silteme jasap.

«Ol myqty boksshy, qaýipti boksshy – oǵan shúbá keltirmeımin. Biraq jekpe-jekten kúteriń bar bolsa, dál men sııaqty, onda táýekelge barýyń kerek. Men muny túsinip otyrmyn. Alaıda qalaǵanyma qol jetkizgim kelse, táýekelge barýym qajet», - dedi «Kanelo».

Sondaı-aq osy baspasóz máslıhatynda Saýl Alvares Qazaqstan boksshysyn nokaýtqa jiberetinin aıtqan edi. Odan eki kún buryn Golovkın de ózin ekijúzdi dep sanaıtyn meksıkalyqqa tilshiler aldynda jaýap qaıtardy.

Eske salaıyq, Golovkın-Alvares úshinshi jekpe-jegi bıylǵy 17 qarashada Las-Vegas (AQSh) qalasyndaǵy T-Mobile Arena-da ótedi.

2017 jyly ótken alǵashqy aıqas teń aıaqtaldy. Rematchta tóreshilerdiń basym daýysymen jeńis «Kaneloǵa» berildi. Bul joly kezdesý sýperorta salmaqta ótedi. Bul dıstsıplınada Alvares absolıýtti chempıon bolyp tabylady.