«Kanelo» ESPN nusqasy boıynsha jyldyń úzdik boksshysy atandy
NUR-SULTAN. QazAqparat - Amerıkalyq ESPN sporttyq telearnasy orta salmaqtaǵy WBA chempıony Saýl Alvaresti osy jyldyń úzdik boksshysy dep tanydy, dep habarlaıdy QazAqparat sports.kz-ke silteme jasap.
«Marapat úshin alǵas aıtamyn. Bul meniń mansabymdaǵy, tarıhymdaǵy tek bir qadam ǵana, sizderden sál kútýlerińizdi suraımyn, sebebi «Kanelo» tarıhta qalady. Men oǵan kepildik beremin», - dep málimdedi meksıkalyq boksshy.
Esterińizge sala keteıik, 2019 jyly Alvares Danıel Djeıkobs pen Sergeı Kovalevti jeńdi. Qyrkúıek aıynda Saýl qazaqstandyq Gennadıı Golovkınmen úshinshi ret kezdese alatyn edi, biraq ol GGG-men aıqastyń ornyna Kovalevke qarsy jartylaı aýyr salmaqtaǵy tıtýldyq jekpe-jekti tańdady.
Aıta ketken jón, 2015 jyly «Kanelo» ESPN nusqasy boıynsha jyldyń úzdik boksshysy atanǵan bolatyn.
