«Kanelo» chempıondyq belbeýinen bas tartty

ASTANA. QazAqparat - Meksıkalyq boksshy Saýl Alvares (51-1-2, 34 KO) orta salmaqta WBA tujyrymy boıynsha «turaqty» álem chempıony belbeýinen bas tartty, dep habarlaıdy Sports.kz portaly Boxingnews24.com-ǵa silteme jasap.

WBA tujyrymy boıynsha burynǵy «turaqty» chempıon Rokkı Fıldıngti (27-2, 15 KO) jeńý «Kaneloǵa» úsh salmaq sanatynda álem chempıony atanǵan meksıkalyqtar qataryna kirý úshin qajet boldy. Maqsatyna jetken soń belbeýden bas tartty.

Aıta keteıik, «Kanelo» 2016 jyly orta salmaqtaǵy WBC belbeýin Gennadıı Golovkınge (38-1-1, 34 KO) berýge májbúr bolǵan edi. Alaıda, byltyr kúzdegi jeńisten soń ony ózine qaıtardy.