«Kanelo» chempıondyq belbeýinen aıyryldy: Golovkın tıtýldyq aıqasqa shyǵýy múmkin
NUR-SULTAN. QazAqparat – Meksıkalyq boksshy Saýl «Kanelo» Alvares Halyqaralyq boks federatsııasynyń tujyrymy boıynsha (IBF) orta salmaqtaǵy álem chempıony tıtýlynan aıyryldy, dep habarlaıdy QazAqparat Sports.kz saıtyna silteme jasap.
«Kanelo» tarapy Sergeı Derevıanchenko ókilderimen mindetti aıqas ótkizý týraly kelisimge qol jetkize almaǵan. Bul týray The Athletic ınsaıderi Maık Koppındjer Týıtterde habarlady:
«Derekkózder «Kanelo» men Derevıanchenko arasynda kelissóz bolmaǵanyn habarlady. Alvares IBF tıtýlynan kúndizgi saǵat úshten keıin aıyryldy. Dedlaın ýaqyty ótip ketti. Taraptar aqshaǵa kelise almady», - dep jazdy ol.
Endi IBF Derevıanchenko men Gennadıı Golovkın arasynda bos turǵan belbeý úshin aıqas taǵaıyndaıdy. GGG reıtıng boıynsha kelesi úmitker sanalady. Derekkózderge sáıkes, olardyń kelissózderi oıdaǵydaı ótpek.
