«Kanelo»: Bul joly Golovkınniń komandasy tym artyq ketti

ASTANA. QazAqparat - Meksıkalyq boksshy Saýl Alvares (49-1-2) qazaqstandyq bylǵary qolǵap sheberi Gennadıı Golovkınge (38-0-1) qarsy jekpe-jekke nelikten erekshe motıvatsııamen keletinin aıtty. Bul týraly Sports.kz habarlaıdy.

«Golovkınniń komandasy nelikten men týraly unamsyz pikir bildirip jatqanyn bilmeımin. Bálkim, oǵan aramyzdaǵy básekelestik sebep shyǵar. Biraq, olar tym artyq ketti dep oılaımyn. Jekpe-jekti qymbatqa satý úshin shekten shyqty... Abel Sanchestiń sózderi meni qyzyqtyrmaıdy. Bul jolǵy jekpe-jek burynǵyǵa qaraǵanda jeke aıqas bolady. Bizdiń bir-birimizge degen azdaǵan qurmetimiz de joǵaldy. Men osyny motıvatsııa retinde paıdalanamyn», - deıdi boksshy Worldboxingnews.net basylymyna bergen suhbatynda.

Golovkın men Alvarestiń ekinshi jekpe-jegi Las-Vegastaǵy T-Mobile Arena-da 15 qyrkúıekte bolady.