«Kanelo» bokstan shettetilgen soń ne istegenin aıtty

ASTANA. QazAqparat - Meksıkalyq boksshy Saýl Alvares klenbýteroldyń kesirinen jarysqa qatysý quqyǵynan aırylǵannan keıin kóp nársege abaılap, saqtanyp qaraıtynyn aıtty, dep habarlaıdy Sports.kz.

«Basymnan ótken sol bir oqıǵadan keıin saqtyq sharalaryn myqtap qolǵa aldym. Shynymen de, barynsha abaılap áreket etemin. Men bul oraıda tym shekten shyqqan sııaqtymyn»,-deıdi «Kanelo».

Eske sala keteıik, Alvarestiń jarystan shettetilý merzimi 17 tamyzda aıaqtalǵan bolatyn. Endi ol 15 qyrkúıek kúni rıngke qaıta oralyp, Gennadıı Golovkınmen qarymta jekpe-jekke shyǵady. Olardyń alǵashqy kezdesýi ótken jyly Las Vegasta daýly jaǵdaıda teń aıaqtalǵan bolatyn.