«Kanelo» baýyrlarymen birge Gınness rekordtar kitabyna endi
«Kanelo» men onyń 6 baýyry Gınnes rekordtar kitabynyń resmı ókilderinen sertıfıkat aldy. Olar «bir boks keshinde judyryqtasqan eń kóp baýyrlar» retinde rekord tirkedi. Áńgime 2008 jyly Sapopandaǵy boks keshi týraly bolyp otyr. Sol kezde rıngke jeti Alvares shyqty: Saýl Alvares (58-2-2, 39 KO), Rıgoberto Alvares (27-4, 20 KO), Ramon Alvares (29-8-3, 16 KO), Rıkardo Alvares (24-3-3, 14 KO), Gonsalo Alvares (0-1), Danıel Alvares (0-1) jáne Vıktor Alvares (0-2).
Aıta keteıik, «Kanelo» aldaǵy kelesi aıqasyn atalǵan Sapopanda ótkizedi. Ol brıtanııalyq Djon Raıderge (32-5, 18 KO) qarsy shyǵady. Jeńimpaz sýper orta salmaqtaǵy barlyq álem chempıony belbeýlerin ıelenedi. Dıvızıonnyń qazirgi absolıýtti chempıony - «Kanelo». Onyń osyǵan deıingi jekpe-jegine keler bolsaq, 2022 jyldyń qyrkúıeginde ol tóreshilerdiń biraýyzdy sheshimimen qazaqstandyq boksshy Gennadıı Golovkınnen basym túsken bolatyn (42-2-1, 37 KO).
