Kane Ýestiń Almatydaǵy kontserti tynysh ótti — polıtsııa
ASTANA. KAZINFORM — Almatyda amerıkalyq reper Kane Ýestiń aýqymdy kontserti kezinde qoǵamdyq tártip pen azamattardyń qaýipsizdigi kúsheıtilgen rejımde qamtamasyz etildi.
Polıtsııanyń habarlaýynsha, is-shara ótetin aýmaqta, halyq kóp jınalatyn oryndarda jáne qalanyń negizgi kólik magıstraldarynda polıtsııa qyzmetkerleri men Ulttyq ulannyń áskerı qyzmetshileri jumyldyryldy.
Quqyq qorǵaý organdary jol qozǵalysyn uıymdastyrýǵa, kólik keptelisteriniń aldyn alýǵa, sondaı-aq qala turǵyndary men qonaqtarynyń qaýipsiz júrip-turýyn qamtamasyz etýge erekshe nazar aýdardy.
Barlyq jumyldyrylǵan bólimshelerdiń úılesimdi jumysynyń arqasynda kontsert tynysh, oqıǵasyz jáne shtattyq rejımde ótti.
— Bizdiń basty mindetimiz — qala turǵyndary men qonaqtarynyń qaýipsizdigin qamtamasyz etý boldy. Іs-shara barysynda polıtsııa qyzmetkerleri Ulttyq ulannyń áskerı qyzmetshilerimen birlesip, qoǵamdyq tártip pen jol jaǵdaıyn baqylaýda ustady. Barlyq qyzmettiń úılesimdi jumysynyń arqasynda kontsert tynysh ári oqıǵasyz, shtattyq rejımde ótti. Almaty turǵyndary men qonaqtaryna tártip saqtap, túsinistik tanytyp, belgilengen talaptardy oryndaǵany úshin alǵys bildiremin. Mundaı aýqymdy is-sharalardaǵy qaýipsizdik — quqyq qorǵaý organdary men azamattardyń birlesken jumysynyń nátıjesi, — dedi Almaty polıtsııa departamentiniń bastyǵy Aıdyn Qabduldınov.
Eske salaıyq, buǵan deıin Kane Ýestiń Almatydaǵy kontserti qalaı ótkeni jaıly jazǵanbyz.
