Kane Ýest Almatydaǵy kontsertiniń keıinge shegerilýine baılanysty málimdeme jasady
ALMATY. KAZINFORM – Amerıkalyq ánshi, prodıýser Kane Ýesttiń Almatydaǵy kontserti 15 tamyzǵa aýystyryldy.
Bul jaǵdaıǵa baılanysty ártis X áleýmettik jelisinde málimdeme jasady.
- Almaty turǵyndarynyń nazaryna. Aýa raıy jaǵdaıyna baılanysty búgingi kontsert erteńge shegeriledi. Densaýlyq pen qaýipsizdik — biz úshin eń basty orynda. Erteń kezdeskenshe, - dep jazdy YE.
Eske salaıyq, Kane Ýest 14 tamyz saǵat 21:00-de ótýi tıis edi. Alaıda aýqymdy shoýdyń bastalýyna sanalýy mınýttar qalǵan kezde uıymdastyrýshylar kontsert 1 kúnge shegerilgenin habarlady. Bul sheshim qaýipsizdik maqsatynda qabyldanǵan.
Búgin jankúıerler úshin Ortalyq stadıon esikteri saǵat 16:00-den bastap ashyldy. Kontsertke birneshe saǵat qalǵanda Almatyda qatty jaýyn-shashyn boldy.
Sondaı-aq kúndiz Almaty men Almaty oblysynyń basym bóliginde jaryq óshti.
https://kaz.inform.kz/news/almati-men-almati-oblisinin-basim-bolgnde-zharik-osht-e546c8d
Sonyń saldarynan Almatynyń barlyq qyzmetteri kúsheıtilgen rejımge kóshti.
